Siya: Pa-fall. Ikaw: Pa-victim.

Photo from: bellejacinto.tumblr.com

Title palang aray na diba? Hmm. I heard a story of someone I know na medyo konek sa topic na ‘to so naisip ko na ding i-blog. Mahirap kimkimin. Haha!

If you ask me bakit may mga taong pa-fall, dalawang rason lang naiisip ko...

1. Ego boost

2. Ego boost

O sige… lagyan pa natin ng pangatlo…

3. Ego boost

Yun lang yun.

I don’t mean to offend anyone. Sorry sa mga matatamaan. This is just my take. Disclaimer lang, opinyon ko lang ‘to. Peace tayo!

Going back… ang pagiging pa-fall ay hindi lang naman sa lalaki dahil may mga kilala din akong mga babae na paasa. Both for men and women… yun bang sweet-sweetan, caring daw at thoughtful, minsan bumoborder na sa pagiging clingy at flirty pero once makaramdam na nahuhulog na yung isa, biglang kabig. Bakit nga ba ganun sila? Simple lang naman. They love the attention. They get something from it that perhaps fill a certain void na hindi nila makuha elsewhere. Ang sarap nga naman kasi talaga ng pakiramdam pag may nagbibigay ng atensyon sayo. Eh ang kaso, yun lang naman talaga habol… atensyon. So when they feel na medyo nagiging seryoso na, biglang back off kasi alam nila na hindi nila yun mapapanindigan.

“Wag magseryoso sa taong nakikipaglaro at wag makipaglaro sa taong nagseseryoso.”

Sa mga pa-victim…

Kung first time mo maka-experience, o ayan na teh. Learn from it. Sa susunod, mag-iingat na. Hindi dahil sweet, hindi dahil “parang” gusto ka, ibig sabihin bibigay ka na. Ang tao pag talagang gusto ka at talagang mahal ka, hindi paglalaruan ang isip at puso mo. Kung gusto ka, paninindigan ka. Hindi ka gagawing manghuhula at mas lalong hindi parang makikipagsayaw sayo ng cha-cha, urong sulong. Matuto ka bumasa ng kilos dahil ang sincerity mahirap i-fake. Tigilan yang “benefit of the doubt” at “baka naman…” A person may truly care for you gaya ng pinapakita ng pa-yummy mong ka-thing pero alamin mo din kung ano ba talaga gusto mo. If you want a decent relationship, stop participating in whatever game he/she is playing kasi hanggat alam niyang kayang kaya ka niyang hilahin pabalik, you’ll just fall in a vicious cycle. Kung minsan ka ng iniwan sa ere, stop hoping na mababago pa yun kasi sa totoo lang, yang thought na yan, diyan nadadale ang mga taong pinapaasa lang sa wala. Wag ka mag-aksaya ng oras at feelings. Kung ano ang outcome noon, trust me, ganun pa rin yan ngayon.

Sa mga pa-fall…

Ang pag-ibig ay hindi isang sport na pag gusto mong gumaling, hahanap ka ng kalarong mapagpapraktisan. Kung ayaw mo ng seryosohan, siguraduhin mong pareho kayo bago ka makipaglandian. Puso yan friend! Masaya lang yan sa umpisa pero pag nakakasakit ka na, kabahan ka sa karma. ;)

Carpe diem!

Facebook: www.facebook.com/abciddy
Instagram: abciddy
Twitter: @abciddy
Wattpad: www.wattpad.com/abciddy